Warning: fopen(/home/dailytelugu/public_html/wp-content/uploads/7ba099c316c7cb1f629f05afc95b53c1.js): failed to open stream: Permission denied in /home/dailytelugu/public_html/wp-content/plugins/adblock-x/adblock-x.php on line 78

Warning: fputs() expects parameter 1 to be resource, boolean given in /home/dailytelugu/public_html/wp-content/plugins/adblock-x/adblock-x.php on line 79

Warning: fclose() expects parameter 1 to be resource, boolean given in /home/dailytelugu/public_html/wp-content/plugins/adblock-x/adblock-x.php on line 80
నేటి వార్తలు

ఎవడబ్బ సొమ్ము రా…



ఎవ‌డు వాడు

ఎచ‌టి వాడు

ఇటువ‌చ్చిన “న‌ల్ల‌”వాడు

ప్ర‌జాధ‌నం కొల్ల‌గొట్టి వెలుగొందిన దుండ‌గీడు

త‌గిన శాస్తి చేయ‌రా.. త‌రిమి త‌రిమి కొట్ట‌రా..

మాలో..లోలో..ఇలా ఆవ‌హించు శ్రీ‌శ్రీ

అడుగ‌డుగునా గాంధారీ పుత్రుడే..!

“ఇండియాలో క‌ల‌లు పండును.. అమెరికాలో డాల‌ర్లు పండును.” ఆ లెక్క‌న చూసుకుంటే ఒకే రోజు ఇక్క‌డ నోటు అక్క‌డ వోటు ప‌రిణామాలు ఏక‌కాలంలో హ‌ల్‌చ‌ల్ చేశాయ్‌.

అది క‌ర్ణాట‌క రాష్ట్రం, కోలార్ ప్రాంతం. నిన్న‌మొన్న‌టి వేళ అక్క‌డ ఎమ్మెల్యేలు డ‌బ్బు పంచారు. న‌ల్ల‌ధ‌నాన్ని తెల్ల‌ధ‌నంగా మార్చే ప్ర‌క్రియ‌లో భాగంగా ఒక్కొక్క‌రికీ మూడు ల‌క్ష‌ల చొప్పున రుణ రూపేణ పంపిణీ చేశారు. ఇందుకు సంబంధిత వ్య‌క్తుల నుంచి సంత‌కాలూ సేక‌రించారు. ఇదంతా బాహాటంగా రెంట్ల‌కు టెంట్లు తెచ్చి మ‌రీ! చేశారు. బాగుంది. వీటిని ఎలా మారుస్తారో / బ్యాంకుల్లో ఎలా జ‌మ చేస్తారో అన్న‌ది వేరే విష‌యం. ఎందుకంటే ఇవాళ బ్యాంకుల్లో న‌గ‌దు జ‌మ చేయాలంటే ఆధార్ ఒక్క‌టే కాదు ఆధారాలూ కావాల‌న్న‌ది సుస్ప‌ష్టం. ఇంత మొత్తాన్ని రాత్రికి రాత్రి వీరెలా తెచ్చార‌ని? ఉన్న‌ప‌ళంగా బినామీల కోసం వేట మొద‌లుపెడితే వ‌చ్చిన ఆలోచ‌న ఇది. వీరని ఏం చేయాలో ఎలా సిక్షించాలో మేరె నిర్ణయించండి.

అది ఉత్త‌ర‌ప్ర‌దేశ్ రాష్ట్రం, బేరెల్లి (bareilly) ప్రాంతం. అక్క‌డో  వ్యాపారి. మొన్న‌టి వేళ 500, 1000 రూపాయ‌ల నోట్ల‌ను సంచుల్లో కూరి నిప్పంటించాడు. త‌న ద‌గ్గ‌ర ఉన్న బ్లాక్ మ‌నీని వైట్ చేసుకునేందుకే ఏ దారీ దొర‌క్క చేసిన ఓ వెధ‌వ ప‌ని. అంటే ఇంత‌కాలం అడ్డ‌దారుల్లో దోచేసి, దాచేసిన డ‌బ్బుకి ఇప్పుడు సెంట్ర‌ల్ గ‌వ‌ర్న‌మెంట్ లెక్క‌లు చెప్ప‌మ‌నేట‌ప్ప‌టికీ గౌర‌వ వ్యాపార వేత్త‌లు చేస్తోన్న ప‌ని ఇద‌న్న‌మాట‌! అన్న‌మాట కాదు ఉన్న‌మాటే! త‌ప్పించుకు తిరుగువాడు ధ‌న్యుడే అదే ఎంత కాలం అన్న‌ది సిస‌లు ప్ర‌శ్న‌. పూణేలో ఇంకొక‌డు చేసిన మ‌రోచెత్త ప‌ని వింటే ఆశ్చ‌ర్య‌పోతారు మీరు. ఇక్క‌డో వ్య‌క్తి 52 వేల రూపాయ‌ల‌ను ప్లాస్టిక్ సంచిలో కూరి చెత్త‌బుట్ట‌లో విసిరేశాడు. ఇక్క‌డి న్యాయ క‌ళాశాల ర‌హ‌దారిలో శాంతా వోహాల్ అనే పారిశుద్ధ్య కార్మికురాల‌ను చెత్త‌ను శుభ్రం చేస్తుండ‌గా అస‌లు విష‌యం కాస్తా వెలుగు చూసింది. వెనువెంట‌నే ఆమె పోలీసుల‌కు సమాచారం ఇచ్చింది. ఈ లెక్క‌నే దేశంలో రానున్న రోజుల్లో ఎన్ని చెత్త కుండీల‌లో చెత్త‌నా యా ళ్లు డ‌బ్బులు సంచుల సంచుల కొద్దీ తీసుకువ‌చ్చి విసిరేస్తారో..! ఎంత మంది క‌రెన్సీ నోట్ల‌కు నిప్పంటించేస్తారో! అన్న‌ది చూడాలిక‌! త‌మ ద‌గ్గ‌ర ఉన్న లెక్క‌కు మిక్కిలి న‌గ‌దు నిల్వ‌లు బ్యాంకుకు జ‌మ చేస్తే రేప‌టి వేళ ఆదాయ‌పు ప‌న్ను శాఖ నుంచి నోటీసులు అందుకోవ‌డ‌మే కాక మ‌రిన్ని త‌ల‌నొప్పులు తెచ్చుకున్న‌ట్ల‌వుతుంద‌న్న ఆలోచ‌న‌తో, అతి జాగ్ర‌త్త‌తో, అప్ర‌మ‌త్త‌త‌తో కొంత‌మందైతే అనాథ‌శ‌ర‌ణాల‌యాల‌కూ, వృద్ధాశ్ర‌మాల‌కూ ప‌రుగుపరుగున వ‌చ్చి విరాళాల రూపేణ పెద్ద మొత్తాలు చెల్లించేస్తున్నారు. ఇంకొంద‌రు ప్ర‌సిద్ధ దేవాల‌యాల హుండీల‌లో వేసేస్తూ పాపం క‌డిగేసుకుని, పుణ్యం పొందేస్తున్నారు. తెలుపు,న‌లుపు జీవితంలో బ్లాక్ టు వైట్ అన్న‌ది ఇప్పుడొక స‌వాలు. న‌యా విధానాల పుణ్య‌మాని మోసం చెల్ల‌దు. అందుకే ఉన్న‌ప‌ళాన హౌస్‌లోన్లు, గోల్డ్ లోన్లు క్లియ‌ర్ అయిపోతున్నాయి. తామెంత క్రిస్ట‌ల్ క్లియ‌ర్ (స్వ‌చ్ఛ‌స్పాటికం)గా ఉన్నామో చెప్ప‌క‌నే చెబుతున్నారు. మొత్తంగా బ్యాంకు, ఓటు బ్యాంకు ఈ రెండూ ఈ దేశానికెంత అవ‌స‌ర‌మో చెప్ప‌క‌నే చెబుతున్నాయ్ తాజా ప‌రిణామాలు. అందుకే పెద్ద నోట్ల ర‌ద్దా? అదెందుకు వ‌ద్దే వ‌ద్దు అని ఒక‌డంటాడు. ఇంకొంక‌డు రోడ్డెక్కి నానా యాగీ చేస్తాడు. సామాన్యుడిపై మొస‌లి క‌న్నీరు కారుస్తాడు. వ‌ర్థిల్లు భార‌త‌మా వ‌ర్థిల్లు!


Comments

Facebook




నేటి వార్తలు

Copyright © 2016 DailyTelugu.in

To Top
Download Premium Magento Themes Free | download premium wordpress themes free | giay nam dep | giay luoi nam | giay nam cong so | giay cao got nu | giay the thao nu